Сяргей Тарута: Цяперашні мір у Данбасе не лепшы за вайну
1- 26.09.2014, 18:57
- 7,543
Данецкі губернатар мяркуе, што дасягнутыя дамоўленасці аб замірэнні маюць мноства заган і не змяняюць сітуацыю да лепшага.
Пра гэта Сяргей Тарута напісаў у артыкуле для "Украінскай праўды".
Са слоў Таруты, у Менскіх дамоўленасцях, а таксама ў прынятых Вярхоўнай Радай законах аб адмысловым рэжыме самакіравання на Данбасе і амністыі ёсць мноства недапрацовак.
"Але самае галоўнае - у бакоў відавочна няма ўзгодненага бачання будучыні Данбаса, што і з'яўляецца на сённяшні дзень ключавой нагодай для крытыкі працэсу мірнага ўрэгулявання. І гэта той выпадак, калі дрэнны мір не лепшы (калі не горш) ад вайны", - напісаў ён.
"Пры гэтым сцэнары грамадзянам Украіны будзе цяжка растлумачыць - за што столькі месяцаў гінулі найлепшыя сыны нашай айчыны, а дзяржава несла каласальныя выдаткі на АТА", - дадаў губернатар.
Тарута таксама мяркуе, што магчымая легітымізацыя сепаратыстаў на Данбасе праз працэдуру мясцовых выбараў, а таксама прэцэдэнт пра "асаблівы статус" стане падставай для раздзімання сепаратысцкіх настрояў у іншых абласцях Украіны.