Даляр упершыню ў гісторыі перавысіў адзнаку ў 39,5 расейскіх рублёў

Курс даляра пераадолеў на Маскоўскай біржы чарговы гістарычны максімум, дасягнуўшы рэкордных 39,534 руб/дал.

Еўрапейская валюта таксама вырасла - паводле стану на 10:30 паводле Менску яна склала 50,071 руб/еўра, дасягнуўшы максімуму ў 50,13 руб, паведамляе РБК.

Паводле вынікаў цяперашніх угодаў з далярам і еўра разліковае значэнне бівалютнага кошыка на 10:40 паводле Менску складала 44,28 руб, максімум склаў 44,3112 руб, што амаль на 1% вышэй выніковага паказчыка папярэдняга дня.

Гістарычным рэкордам для афіцыйнага курсу еўра да расейскага рубля застаецца значэнне, усталяванае Банкам Расеі на 18 сакавіка 2014 года, - 50,9 руб/еўра. Для афіцыйнага курсу даляра ЗША гістарычны максімум прыходзіўся на 27 верасня 2014 года - 38,7 руб/дал.

Як паведамляе агенцтва Bloomberg, у панядзелак на фоне паслаблення асцярог скарачэння паставак на сусветны рынак праз канфлікт на Блізкім Усходзе таксама таннее нафта.

Лістападаўскія ф'ючэрсы на нафту Brent на лонданскай біржы ICE Futures да 07:49 паводле Менску ў панядзелак знізіліся ў кошце на $0,28 (0,29%) - да $96,72 за барэль.