Латвія будзе пераследаваць памагатых тэрарыстаў у Данбасе

Міністр юстыцыі Латвіі Гайдзіс Берзіньш накіраваўся ва Украіну, каб абмеркаваць з украінскім калегам Паўлам Пятрэнкам пытанні ўдзелу грамадзян Латвіі ў вайне на ўсходзе Украіны.

З паведамлення латвійскага міністэрства юстыцыі праваахоўныя органы высветлілі, што некалькі жыхароў Латвіі бралі ўдзел у ваенных дзеяннях у Данбасе на баку тэрарыстаў, інфармуе Новы рэгіён.

Латвія мае намер узяць гэтых асоб пад сваю юрысдыкцыю, каб правільна кваліфікаваць злачынства і прыцягнуць да крымінальнай адказнасці. Нагадваючы, што на мінулым тыдні паліцыя бяспекі Латвіі распачала крымінальную справу супраць жыхароў Латвіі, якія ўдзельнічаюць у вайне на Данбасе, паводле артыкула аб публічным закліку да «тэрарызму, набыцці, захоўванні і нашэнні агнястрэльнай зброі». Гаворка ідзе пра былых нацболаў: Валянціна Мілюціна, Вячаслава Высоцкага і нейкага Паляўнічага (яго прозвішча не называецца). У іх кватэрах і кватэрах іх сваякоў у Рызе і Лудзе былі праведзеныя ператрусы. Былі канфіскаваныя кампутары, мабільныя тэлефоны і інш.

Са слоў кіраўніка міністэрства ўнутраных спраў Рыхарда Казлоўскіса, «бліжэйшым часам можна чакаць новых крымінальных працэсаў супраць жыхароў Латвіі, якія ўдзельнічаюць у дзейнасці тэрарыстычных груповак ва Усходняй Украіне».