Кіраўнік СБУ: Довадная база паводле справы Януковіча і К° сабраная
6- 29.09.2014, 18:56
- 10,829
Збеглыя чыноўнікі павінны быць дастаўленыя ў прымусовым парадку ва ўкраінскі суд.
Довадная база ў крымінальных справах у дачыненні да экс-прэзідэнта Віктара Януковіча і іншых былых высокапастаўленых службовых асоб сабраная, падкрэслівае кіраўнік Службы бяспекі Валянцін Налівайчанка.
Пра гэта ён сказаў у інтэрв'ю тэлеканалу "112. Украіна" ў панядзелак, піша "Інтэрфакс-Украіна".
"Довадная база сабраная. Этап апавяшчэння ў падазрэнні мы таксама прайшлі. Пытанне ў тым, каб яны былі вернутыя ва Украіну і паўсталі перад судом", - сказаў Налівайчанка.
Пры гэтым ён падкрэсліў:
"Яны павінны быць дастаўленыя ў прымусовым парадку ва ўкраінскі суд, суд уручыць ім падазрэнне, будзе ўжытая мера стрымання - арышт. І трэцяе - канфіскацыя актываў, нерухомасці, маёмасці, рахункаў, паводле пастановы суда. Усё гэта задакументавана і перададзена ў рамках крымінальных спраў у Генеральную пракуратуру".