Баевікі «Ісламскай дзяржавы» абвясцілі аб паходзе на Каўказ

Баевікі радыкальнай ісламскай групоўкі «Ісламская дзяржава» прыгразілі пачаць вайну ў Чачні і на Каўказе.

Пра гэта паведамляе «Интерфакс» са спасылкай на тэлеканал Al-Arabiya.

У сетцы быў размешчаны відэазапіс, на якім адзін з баевікоў кажа, што групоўка збіраецца вызваліць Чачню і Каўказ «з дазволу Алаха». Запіс суправаджаецца рускімі субтытрамі. «Гэта пасланне да цябе, Уладзімір Пуцін, гэта твае самалёты, якія ты адправіў Башару, мы ласкай Алаха, адправім іх табе, памятай пра гэта», - кажа баявік.

Акрамя таго, баевікі прыгразілі кіраўніку Сірыі Башару Асаду пачаць вайну з урадавымі войскамі ў паветры.

Нагадаем, у пачатку чэрвеня байцы «Ісламскай дзяржавы» абвясцілі аб стварэнні «халіфата» на падкантрольных ім тэрыторыях Ірака і Сірыі і пачалі наступ на Багдад.