ЕБРР гатовы ўкласці ва Украіну мільярд еўраў
3- 3.09.2014, 16:13
- 6,161
Нягледзячы на ваенныя дзеянні, ва Украіны ёсць рэсурсы, цікавыя для міжнародных інвэстараў.
Пра гэта паведамляе прэс-служба Еўрапейскага банка рэканструкцыі і развіцця, цытуючы кіраўніка яго прадстаўніцтва ва Украіне Шэўкі Акюнэра, піша "Корреспондент".
"ЕБРР далей актыўна супрацоўнічае з Украінай і мерыцца ўкласці блізу 1 млрд еўраў у краіну сёлета", - цытуе прэс-служба Акюнэра.
Са слоў кіраўніка прадстаўніцтва ЕБРР, Украіна дала выяўна зразумець міжнародным інвэстарам, што мерыцца стаць часткай заходняга свету і заходняй эканомікі. З гэтай мэтай яна выконвае патрабаванні МВФ, выкладзеныя ў праграме супрацоўніцтва.
Акюнэр адзначыў, што праблемы тэрытарыяльнай цэласнасці Украіны і наступных падзей падважваюць рэсурсы краіны, і міжнароднай супольнасці трэба актывізаваць падтрымку для Украіну.
Тым не менш, асноўная эканамічная моц Украіны - яе сельская гаспадарка, прыродныя і чалавечыя рэсурсы ды IТ, якія па-ранейшаму цікавыя для міжнародных інвэстараў, мяркуе Акюнэр.
Нагадаем, учора Вярхоўная Рада Украіны ратыфікавала пагадненне з Еўрапейскім інвестыцыйным банкам, паводле якога ЕІБ дае крэдыт для дабудоўвання Днепрапятроўскага мэтрапалітэна і пабудовы Бескідскага чыгуначнага тунэлю.