Заблукалага ў лесе пенсіянера знайшлі праз восем дзён
2- 30.09.2014, 19:24
- 13,355
Ён сілкаваўся грыбамі і ягадамі і добра сябе адчувае.
У Лунінецкім раёне знайшлі пенсіянера, які 21 верасня на ровары з'ехаў у лес у грыбамі і заблукаў.
Як паведамілі БелаПАН у Лунінецкім РАУС, 75-гадовага жыхара вёскі Бродніца шукалі з 24 верасня. У гэты дзень у міліцыю звярнулася ягоная грамадзянская жонка. Вяскоўка распавяла, што яе сужыцель, які з'ехаў тры дні таму ў грыбамі, знік. Са слоў жанчыны, раней ён сыходзіў у лес на тры дні і вяртаўся дадому.
У пошуках мужчыны былі задзейнічаны супрацоўнікі міліцыі, МНС, ляснікі і мясцовае насельніцтва. Адпрацоўваліся бліжэйшыя лясныя масівы і сельскія населеныя пункты. А 7 гадзіне раніцы 29 верасня заблукалага ўбачыў у лесе недалёка ад вёскі Дзятлавічы мясцовы жыхар. Ён прывёў пенсіянера, у якога быў мех з грыбамі, да сябе дадому і патэлефанаваў знаёмаму работніку міліцыі. Той паведаміў аб выяўленым грыбніку ў раённы аддзел унутраных спраў.
Мужчына распавёў, супрацоўнікам Лунінецкага РАУС, што заблудзіўся 21 верасня. Начаваў у лесе і нежылых дамах на хутарах. Харчаваўся шчаўем, ягадамі і яблыкамі. Свой ровар ён страціў. Стан здароўя пенсіянера не выклікала боязі, і яго даставілі дадому. Лясны масіў, дзе выявілі вяскоўца, знаходзіцца за 12 км ад вёскі, у якой ён жыве.
Як адзначылі ў Лунінецкім РАУС, у гэтым годзе ў раёне гэта першы выпадак, калі чалавек заблукаў у лесе падчас збору грыбоў.
Фота з архіву