Латвія арыштавала грошы паплечнікаў Януковіча
3- 30.09.2014, 19:30
- 5,118
Праваахоўныя органы Латвіі арыштавалі на рахунках у мясцовых банках $49,3 млн былога в.а. прэм'ера Украіны Сяргея Арбузава і $32 млн на рахунках у народнага дэпутата, рэгіянала Юрыя Іванюшчанкі.
Пра гэта на прэс-канферэнцыі сказаў генеральны пракурор Віталь Ярэма, паведамляюць Украінскія навіны.
Паводле ягоных слоў, Украіна накіравала блізу 20 запытаў у розныя краіны з просьбай арыштаваць маёмасць украінскіх экс-чыноўнікаў.
Цяпер арыштаваныя 13 млн швайцарскіх франкаў на рахунку ў Швайцарыі ў экс-кіраўніка Адміністрацыі Прэзідэнта Андрэя Клюева і такая ж сума арыштаваная на рахунках у ягонага брата Сяргея.
Акрамя таго, у Андрэя Клюева арыштаваны дом у Аўстрыі плошчай 558 кв м.
У дэпутата Рады Аляксея Азарава (ПР) таксама арыштаваная нерухомасць у Аўстрыі на 5 млн еўра і на рахунках у аўстрыйскіх банках арыштаваныя 6,7 млн еўра.
У Арбузава ў Латвіі арыштаваныя на рахунках 49,3 млн даляраў, у Іванюшчанкі - 32 млн даляраў і 72 млн швайцарскіх франкаў.
Пры гэтым Ярэма адзначыў, што з прычыны адсутнасці ва Украіне механізму завочнай крымінальнай справы гэтыя сродкі пакуль не могуць быць вернутыя ва ўкраінскі бюджэт.
Як паведамлялася, у чэрвені Генеральная пракуратура заявіла, што паводле пастановы суда накладзены арышт на асабістыя рахункі былых вышэйшых дзяржаўных чыноўнікаў на агульную суму 1,2 млрд грыўняў, 13 млн даляраў і 225 тысяч еўра.