NATO размесціць у Румыніі баявыя самалёты
- 4.09.2014, 9:12
- 3,693
NATO падтрымае Румынію ў патруляванні паветранай прасторы гэтай краіны.
Пра гэта заявіў прэзідэнт краіны Траян Бэсэску. З ягоных слоў, вышэйшая рада ў абароне Румыніі дала згоду на прысутнасць на тэрыторыі краіны баявых самалётаў Паўночнаатлантычнага альянсу, паведамляе Deutsche Welle.
Для абслугоўвання самалётаў у Румыніі будуць знаходзіцца да 200 жаўнераў NATO. Пра колькасць саміх машын кіраўнік румынскай дзяржавы не паведаміў. Акрамя таго, Румынія возьме на сябе кіраўніцтва ў праграме NATO у адбіцці Кібератакі на Украіну.
Нагадаем, сёння, 4 верасня, у горадзе Ньюпорт у брытанскім Уэльсе адкрываецца саміт кіраўнікоў дзяржаў-сябраў NATO.
На ім будзе абмяркоўвацца новая стратэгічная сітуацыя, якая склалася на еўразійскай прасторы пасля анэксіі Крыма Расеяй і эскалацыі вайсковых дзеянняў у Данбасе.