У Вільні стартуе першы «разумны» вулічны кірмаш

Ужо ў гэтую пятніцу ў Вільні, сталіцы Літвы, пачнецца самае вялікае гарадское свята «Дні сталіцы».

Падчас яго будуць праводзіцца не толькі разнастайныя імпрэзы, але і ўпершыню ў свеце пройдзе «разумны» кірмаш. На яго не абавязкова трэба будзе прыходзіць з грашыма, бо за ўсе набыткі можна будзе разлічыцца з дапамогай смартфона, піша «Інтэрфакс».

Важная частка свята - , велізарны вулічны кірмаш, які расцягнуўся на цэнтральным гарадскім праспекце Гедыміна, на якім гандлююць вырабамі народных рамёстваў, творамі мастацтва, адзеннем, харчовымі прадуктамі і рознымі прыемнымі дробязямі, праводзіцца ўжо дваццатым разам. У гэтым годзе на гэты кірмаш можна прыходзіць без партманэта - дастаткова мець з сабой смартфон з усталяваным на ім электронным кашальком.

Ідэю «разумнай» аплаты з дапамогай мабільных тэлефонаў арганізатарам «Дзён сталіцы» прапанавала ліцэнзаваныя ў Еўропе ўстанова электронных грошай «Paysera». Са слоў яе прадстаўніка Андруса Балкунаса (Andrius Balkūnas), гэты спосаб аплаты выгадны як пакупнікам, так і прадаўцам. Пакупнікам не трэба будзе насіць з сабой гатоўку, а, знайшоўшы патрэбны набытак, прабірацца праз натоўп людзей да банкамата.

Прадаўцам не трэба будзе лічыць грошы, шукаць рэшту, а, за адсутнасцю рэшты, прасіць, каб памянялі. Такім чынам, яны змогуць хутчэй абслугоўваць кліентаў, і не будзе чэргаў.

Важна тое, што электронны кашалёк «Paysera» вельмі просты ў выкарыстанні і не патрабуе ніякіх спецыяльных ведаў.

«Paysera» прапануе два спосабы аплаты падчас кірмашу: з дапамогай тэхналогіі «Bluetooth» і з дапамогай сканавання QR-кодаў. Прадаўцы змогуць выкарыстоўваць абодва спосабы ці ж выбраць адзін спосаб, больш зручны для іх.

У першым выпадку пакупніку трэба будзе адсканаваць QR-код. Пасля гэтага на экране ягонага тэлефона з'явіцца плацежнае акно з абумоўленай сумац, пакупнік пацвердзіць куплю, і грашовыя сродкі імгненна будуць пералічаныя прадаўцу.

Другі спосаб аплаты - з дапамогай «Bluetooth» - прапануецца больш дасведчаным карыстальнікам смартфонаў. На экране свайго тэлефона пакупнік убачыць плацежнае акно з абумоўленай сумай, якую на сваім тэлефонна-касавым апараце ўвядзе прадавец.

Пакупніку трэба будзе ўсяго толькі пацвердзіць аперацыю націскам адной кнопкі, і прадавец імгненна атрымае паведамленне аб удалай аплаце.

«Разумны» спосаб аплаты «Paysera» ужо паспеў распаўсюдзіцца ў літоўскіх кавярнях, рэстарацыях, на аўтазаправачных станцыях і ў іншых ўстановах, якія працуюць у сферы паслуг, а таксама на кірмашах.

Як сцвярджаюць стваральнікі гэтай аплатнай сістэмы, яе лёгка прыстасаваць да кожнай краіны.