Сіноптыкі абяцаюць цёплае надвор'е на выходных

На выходных у Беларусі прагназуецца цёплае і сухое надвор'е.

Пра гэта паведаміла БелТА галоўны сіноптык Рэспубліканскага гідраметэацэнтра Людміла Парашчук.

"У першыя восеньскія дні на тэрыторыі Беларусі ўсталявалася пахмурнае надвор'е, ішлі кароткачасовыя дажджы. Але ўлада над надвор'ем паступова пераходзіла да скандынаўскага антыцыклону. Пад яго уплывам надвор'е ў краіне стала паляпшацца", - сказала Людміла Парашчук.

У пятніцу будзе без ападкаў. Начная тэмпература паветра складзе плюс 5-10 градусаў, месцамі чакаецца блізу 3 цяпла. "Удзень ва ўмовах невялікай воблачнасці і ўсё яшчэ вялікай працягласці светлавога дня паветра яшчэ добра прагрэецца - у сярэдзіне дня слупкі тэрмометраў у большасці раёнаў пераадолеюць адзнаку ў 20 градусаў", - дадала Людміла Парашчук. Пры слабым ўсходнім ветры ўночы і раніцай месцамі чакаюцца невялікія туманы.

На выхадных будзе сухое надвор'е. Уночы і раніцай месцамі згусціцца туман. Тэмпература паветра ўначы складзе плюс 5-11 градусаў, удзень паветра прагрэецца да 17-24 градусаў.

У панядзелак атмасферны ціск пачне падаць, з'явяцца аблокі, ночы стануць крыху цяплейшымі. Тэмпература паветра ў начныя гадзіны чакаецца ў межах плюс 8-13 градусаў, удзень - ад 18 да 25 градусаў. Прагназуецца ў асноўным без ападкаў. Поначы і раніцай месцамі туман.

"У аўторак на заходнія рэгіёны Беларусі перамесціцца атмасферны фронт з тэрыторыі Польшчы, а на ўсходзе рэспублікі захаваецца ўплыў вобласці павышанага атмасфернага ціску", - сказала Людміла Парашчук. Уночы на захадзе, а ўдзень і ў цэнтральных раёнах рэспублікі месцамі пройдуць кароткачасовыя дажджы, удзень магчымыя навальніцы.Уночы і раніцай у асобных раёнах чакаецца туман. Тэмпература паветра ўначы складзе плюс 8-15 градусаў, удзень - ад 18 да 25 градусаў, на паўночным захадзе ў шчыльных аблоках будзе крыху халадней і прагназуецца ад 15 да 17 градусаў цяпла.

У сярэдзіне тыдня метэаўмовы ў рэспубліцы пачнуць фармаваць малаактыўныя франтальныя сістэмы з Заходняй Еўропы. Месцамі пройдуць кароткачасовыя дажджы, удзень магчымыя навальніцы. Уночы і зранку ў асобных раёнах згусціцца туман. Тэмпература паветра ўначы складзе 8-15 градусаў, у дзённыя гадзіны чакаецца ад 18 да 25 градусаў цяпла.