На выходных у Беларусі да плюс 24 °С

У выхадныя дні ў Беларусі захаваецца ўмерана цёплае надвор'е.

Пра гэта паведамляе партал pogoda.by.

Сёння, 5 верасня, умовы надвор'я на тэрыторыі Беларусі будзе вызначаць антыцыклон з цэнтрам над поўначчу нашай краіны. Чакаецца невялікая воблачнасць. Вецер усходні слабы да ўмеранага. Максімальная тэмпература днём плюс 18-23 °С.

У суботу і нядзелю, 6-7 верасня, надвор'е ў краіне абумовіць паўднёва-заходняя перыферыя антыцыклону з цэнтрам над Цвярской вобласцю.

Чакаецца пераважна без ападкаў. Ноччу і раніцай месцамі туман. Тэмпература паветра мінімальная ноччу плюс 5-12 °С, максімальная днём плюс 17-24 °С.