Менчукі падалі скаргі на адміністрацыю Заводскага раёна

Жыхары Заводскага раёна Менска падалі дзве скаргі ў пракуратуру на мясцовую адміністрацыю.

Пра гэта charter97.org распавялі ў Еўраперспектыве.

Менчукі падалі дзве скаргі ў пракуратуру на адміністрацыю Заводскага раёна Менска, у сувязі з парушэннямі правядзення працэдуры грамадскіх абмеркаванняў, якія цяпер праходзяць у гэтым раёне сталіцы.

Першая скарга накіраваная ў пракуратуру за парушэнне ў правядзенні грамадскага абмеркавання горадабудаўнічага праекта дэталёвага планавання тэрыторыі ў межах вул Тухачэўскага - вул Пляханава - вул Васнецова. Звязаная яна з тым, што «3 верасня прадстаўнікі ініцыятыўнай групы мясцовых жыхароў звярнуліся ў адміністрацыю Заводскага раёна г. Менска з патрабаваннем прыняць і зарэгістраваць калектыўны зварот грамадзян, у якім выкладзеныя заўвагі і прапановы ў вынесеным на грамадскае абмеркаванне праекце дэталёвага планавання тэрыторыі. Аднак у аддзеле зваротаў адміністрацыі Заводскага раёна заявілі, што кожны грамадзянін, які падпісаўся, павінен з'явіцца асабіста, самастойна выказаць свае заўвагі і прапановы і катэгарычна адмовіліся прымаць і рэгістраваць калектыўны зварот грамадзян». Такім чынам, раённая адміністрацыя - арганізатар грамадскага абмеркавання - адмовілася прымаць больш за сто подпісаў мясцовых жыхароў пад калектыўным зваротам».

Другая скарга была пададзеная за парушэнні ў правядзенні грамадскага абмеркавання горадабудаўнічага праекта дэталёвага планавання тэрыторыі ў межах вул. Васняцова - Тухачэўскага - канал Сляпянскай воднай сістэмы (ўнясенне змяненняў).

Звязаная яна з тым, што «адміністрацыі Заводскага раёна г. Менска, а таксама створаная для правядзення грамадскага абмеркавання камісія адмовілі зацікаўленым грамадзянам у азнаямленні з матэрыяламі праекта дэталёвага планавання якія не ўвайшлі ў склад прэзентаванай экспазіцыі». Гэта значыць, грамадзянам адмовілі ў інфармацыі, прааналізаваўшы якую, яны змаглі б напісаць абгрунтаваныя заўвагі і прапановы паводле прэзентаваным праекце.

«У абодвух выпадках мясцовая раённая адміністрацыя парушыла закон. У першым выпадку, перш за ўсё, Закон «Аб зваротах грамадзян і юрыдычных асобаў», дзе ясна напісана: арт. 3, п. 1 грамадзяне Рэспублікі Беларусь маюць права на зварот у арганізацыі шляхам падачы пісьмовых, электронных або вусных зваротаў; арт. 4, п. 1 грамадзяне рэалізуюць права на зварот асабіста або праз сваіх прадстаўнікоў. Акрамя таго, згодна з арт. 13 названага Закона, адмова ў прыёме зваротаў не дапускаецца. У другім выпадку, парушаны Закон «Аб архітэктурнай, горадабудаўнічай і будаўнічай дзейнасці ў Рэспубліцы Беларусь», арт. 4, п. 4 дзяржаўныя органы, юрыдычныя асобы, службовыя асобы абавязаны даць фізічнай асобе магчымасць азнаёміцца з інфармацыяй у пытаннях, якія закранаюць ягоныя правы і законныя інтарэсы пры ажыццяўленні архітэктурнай, горадабудаўнічай і будаўнічай дзейнасці», - распавёў Дзяніс Кобрусеў, сябра аргкамітэта ў стварэнні грамадзянскай ініцыятывы «Еўраперспектыва».