ЕЗ можа адкласці ўвядзенне санкцый супраць РФ праз перамовы ў Менску
13- 5.09.2014, 12:30
- 5,703
Еўразвяз можа адкласці ўвядзенне санкцый супраць Расеі на некалькі дзён.
Пра гэта паведамляе Reuters са спасылкай на дыпламатычныя крыніцы. Адтэрміноўка можа быць дадзеная ў залежнасці ад вынікаў перамоў аб перамір'і, якія сёння, 5 верасня пройдуць у Менску, піша РБК.
Адна з крыніц агенцтва заяўляе, што ў выпадку ўдалых перамоваў у Менску санкцыі могуць быць адкладзеныя на 72 гадзіны. Яшчэ два суразмоўцы ў агенцтве кажуць аб адтэрміноўцы санкцый на тыдзень. Як заявіў адзін з дыпламатаў, лідэры краін ЕЗ «хочуць даць перамір'ю шанец».
Іншы суразмоўца агенцтва адзначыў, што ў выпадку заключэння перамір'я ЕЗ можа наогул адмовіцца ад прыняцця ў дачыненні да Расеі новых санкцый.
Гэтую інфармацыю пацвердзіў кіраўнік брытанскага МЗС Філіп Хамонд.
Пасяджэнне кантактнай групы што да сітуацыі на Украіне адбудзецца сёння, 5 верасня ў Менску.