«Суперкары», на якія беларусам хопіць грошай

Любоў да хуткіх аўтамабіляў, вядомых брэндаў і прэтэнзію на эксклюзіўнасць нашыя суайчыннікі ўжо даказалі.

Засталося зірнуць на цікавыя прапановы аўкцыённых дамоў, піша «Штодзённік».

Топ-7 суперкараў, якія пабывалі ва ўжыванні, склаў motor.ru. Скажаце, у дрэнным стане? Адкажам: нашы людзі і не такое жалеза ўмеюць аднаўляць. Затое якія кошты! Да названага трэба «накінуць» мытны збор - і суперкар можна забіраць!

Ferrari F430 Spider, 19 тысяч еўра

Уладальнік аўтамабіля, які трапіў ў аварыю, потым згарэў, - прыватная асоба. Да гэтай сумнай падзеі ў аўтамабілі знаходзіліся Bluetooth, клімат-кантроль, электрапрывад сядзенняў, рух, лёгкасплаўныя дыскі і ксенонавыя фары.

Porsche 911 Turbo, 1 999 еўра

Суперкар 2001 выпуску. Тып аварыі, у якую трапіў аўтамабіль, не ўдакладняецца. Затое дакладна вядома: у ім ёсць кандыцыянер, крэслы з падагрэвам, сістэма навігацыі і лёгкасплаўных колаў. Ну, ці рэшткі ўсяго гэтага.

Jaguar F-Type, 42650 тысяч даляраў

У родстэра адсутнічае пярэдняя частка кузава: бампер і фары галаўнога святла. Аўтамабіль на хаду, прыводзіцца ў рух 340-моцным рухавіком V6. Прабег амаль нулявы 0 усяго 612 міль. Дзеля справядлівасці варта адзначыць: такі ж, толькі новы F-Type каштуе ў Амерыцы 69 тысяч даляраў.

Chevrolet Corvette, 5650 даляраў

Стан жоўтага купэ 2006 года з 400-моцным маторам пакідае жадаць лепшага: з кузаўных панэляў у больш-менш прымальным стане знаходзіцца толькі капот.

McLaren MP4-12C, 99 тысяч даляраў

Новы асобнік MP4-12C каштуе амаль 230 тысяч даляраў, а з невялікім прабегам і практычна адсутнай «мордай» - за 99 тысяч даляраў. Аўтамабіль на хаду.

Dodge Viper, 6200 даляраў

Нядорага, але з густам знішчана. Са слоў прадаўца, падчас аварыі аўтамабіль атрымаў «небяспечныя біялагічныя і хімічныя пашкоджанні».

Nissan GT-R, 30750 даляраў

Са слоў прадаўца, рамонт абыдзецца 60 тысяч 922 даляры. Матор заводзіцца. Але ці паедзе аўтамабіль з такім вывернутым колам?