У Слоніме жаніх скраў у нявесты пярсцёнак і 7000 еўра

За выкрадзеныя грошы ён набыў магутны матацыкл і адправіўся на адпачынак з сябрамі.

Слонімец жыў у сям'і сваёй сяброўкі. Карыстаючыся даверам гаспадароў, ён за месяц вынес з дома залатыя ўпрыгажэнні і грошы.

Беспрацоўнаму хлопцу дваццаці гадоў далі прытулак у сябе бацькі яго дзяўчыны, якія не сумняваліся ў яго сур'ёзных намерах у стаўленні да іх дачкі. Тады як хлопец на працягу месяца скраў у іх 7 тысяч еўра, залатыя пярсцёнкі, завушніцы, ланцужкі, кольцы. Упрыгажэнні ён здаў у ламбард, піша «Вячэрні Гродна».

За выкрадзеныя тры тысячы еўра набыў магутны матацыкл. Астатняе выдаткаваў на адпачынак са знаёмымі байкерамі ў розных гарадах Беларусі, распавёў намеснік начальніка Слонімскага РАУС Сяргей Кіган.

Прапажу заўважыў бацька дзяўчыны, які вярнуўся з камандзіроўкі. Паводле факта крадзяжу распачатая крымінальная справа. Частка выкрадзенага, у тым ліку залатыя ўпрыгажэнні і матацыкл «Сузукі», канфіскаваны. «Жаніх», які ўжо меў судзімасць за крадзеж, затрыманы. Чакаць новага суда будзе ў следчым ізалятары.