У Эстоніі на мяжы з Расеяй выкрадзены супрацоўнік спецслужбаў
21- 5.09.2014, 17:47
- 24,475
Невядомыя прыйшлі на тэрыторыю Эстоніі з Расеі і выкралі супрацоўніка спецслужбаў.
У Эстоніі блізу пагранічнага пункта Лухамаа 5 верасня каля 9 гадзін раніцы невядомыя асобы выкралі супрацоўніка эстонскай паліцыі бяспекі, які выконваў службовыя абавязкі
Адзначаецца, што невядомыя прыйшлі на тэрыторыю Эстоніі з Расеі. Пагражаючы зброяй і ўжыўшы да супрацоўніка спецслужбаў фізічную сілу, яго павезлі ў Расею. З якой мэтай было арганізаванае выкраданне, не ўдакладняецца, піша rus.delfi.lv.
Выкраданню з расейскай стараны папярэднічалі перашкоды ў аператыўнай радыёсувязі і выкарыстанне дымавой гранаты, паведаміў Дэпартамент паліцыі бяспекі.
Пацверджання або зняпраўджвання гэтай інфармацыі ад Расеі пакуль не паступала. У сувязі з тым, што адбылося ў Эстоніі, распачатая крымінальная справа.
Паліцыя бяспекі Эстоніі займаецца адсочваннем пагроз канстытуцыйнаму ладу рэспублікі, контрвыведкай, барацьбой з тэрарызмам, абаронай дзяржаўных сакрэтаў і процідзеяннем карупцыі.
Фота: LETA