РНБА Украіны: Тэрарысты вызвалілі 648 закладнікаў
4- 9.09.2014, 14:21
- 7,208
З 5 верасня вызваленыя 648 чалавек, праводзіцца работа ў вызваленні яшчэ каля 500.
Пра гэта паведаміў спікер інфацэнтра Рады нацыянальнай бяспекі і абароны Украіны Андрэй Лысенка, піша Лiга.нет.
"Усяго, паводле інфармацыі Генштаба, вызвалена 648 чалавек, праводзіцца работа ў вызваленні яшчэ каля 500 закладнікаў", - сказаў ён.
Пры гэтым Лысенка ўдакладніў, што абнародаваная раней Адміністрацыяй прэзідэнта Украіны інфармацыя аб вызваленні 1200 закладнікаў за час перамір'я не адпавядае рэчаіснасці.
Як вядома, 5 верасня ў Менску паводле вынікаў сустрэчы трохбаковай кантактнай групы быў падпісаны пратакол аб спыненні агню ў Данбасе. Аднак рэжым спынення агню быў шматкроць парушаны расейскімі вайскоўцамі.