Дзярждэпартамент ЗША папярэдзіў амерыканцаў пра пагрозу тэрактаў

Дзярждэпартамент ЗША абнавіў рэкамендацыі для грамадзян краіны, якія выязджаюць за мяжу.

У паведамленні гаворыцца, што ў свеце ўзрасла імавернасць тэрарыстычных актаў у дачыненні да амерыканцаў, паведамляе BBC.

У Дзярждэпартаменце папярэджваюць, што грамадзяне ЗША могуць падпасці пад напады на Блізкім Усходзе, Паўночнай Амерыцы, Еўропе і Азіі, у тым ліку ў выніку дзеянняў міжнароднай кааліцыі супраць групоўкі «Ісламская дзяржава» ў Сірыі і Іраку.

Рэкамендацыі былі абноўленыя пасля падзей у Парыжы, дзе 12 супрацоўнікаў штотыднёвіка Charlie Hebdo былі забітыя, яшчэ чатыры закладнікі, захопленыя ў краме кашэрных прадуктаў, загінулі.