Гарбачоў палохае Захад ядзернай вайной

Напружанасць у стасунках Расеі і краін Еўропы праз Украіну можа прывесці не толькі да поўнамаштабных вайсковых дзеянняў, але і да ядзернай вайны.

Пра гэта былы прэзідэнт СССР Міхаіл Гарбачоў заявіў у інтэрв'ю нямецкаму выданню Der Spiegel, паведамляе Reuters.

«Вайна такога роду непазбежна прывядзе да ядзернай вайны. Мы не зможам перажыць бліжэйшыя гады, калі ў кагосьці не вытрымаюць нервы ў сітуацыі, якая склалася», - заявіў Гарбачоў.

Пры гэтым ён заклікаў Нямеччыну не ўмешвацца ва ўкраінскі крызіс: «У гэтай краіне, відавочна, ёсць вялікая колькасць людзей, гатовая спрыяць стварэнню новага дывізіёна ў Еўропе».

Былы прэзідэнт СССР ужо не ўпершыню выказваецца адносна напружанасці паміж Расеяй і краінамі Захаду. Так, у снежні мінулага года Гарбачоў заклікаў правесці саміты ў аднаўленні стасункаў. Ён прапанаваў бакам «вярнуцца да сумеснай працы па глабальных выклікам і пагрозам», а таксама «стварыць свайго роду савет старэйшын».