У Гомельскай вобласці на ўборку снегу выгналі ДАІ

Дзяржаўтаінспекцыя Гомельскай вобласці дапамагае дарожнікам і камунальнікам ва ўборцы снегу ў населеных пунктах.

Пра гэта паведамілі БелТА ў прэс-службе ўпраўлення ДАІ УУС Гомельскага аблвыканкама.

Пагаршэнне надвор'я на тэрыторыі Гомельскай вобласці адзначаецца цягам апошніх дзён. Моцны снег і сумёты на праезнай частцы дарог і вуліц ускладняюць рух транспарту. У сувязі з гэтым супрацоўнікі ДАІ ў цесным узаемадзеянні з дарожнымі і камунальнымі арганізацыямі рэгіёну прымаюць усе меры ў ліквідацыі прычын і ўмоў, якія спрыяюць дарожна-транспартным здарэнням у зімовых умовах, паведамляюць ва УДАІ.

Падчас ачысткі вулічна-дарожнай сеткі ад снегу калоны снегаўборачнай тэхнікі суправаджаюцца патрульнымі аўтамабілямі Дзяржаўтаінспекцыі, што паскарае працэс уборкі заносаў. На гэты момант для забеспячэння бяспекі дарожнага руху і стабілізацыі дарожнай абстаноўкі ў існых умовах задзейнічаны 56 супрацоўнікаў падраздзяленняў ДАІ вобласці і 26 адзінак службовага транспарту. Цяпер на тэрыторыі рэгіёну прадаўжаецца апрацоўка вулічна-дарожнай сеткі процігалалёднымі матэрыяламі і ачыстка яе ад снегу.

Фота з архіву