Хвост самалёта Air Asia узняты на паверхню

Вадалазам удалося падняць на паверхню хваставую частку самалёта авіякампаніі AirAsia, што пацярпеў катастрофу ля ўзбярэжжа Інданезіі.

Раней паведамлялася, што вадалазы аднавілі пошукі «чорнай скрыні», прыпыненыя праз моцныя плыні і дрэннае надвор'е, паведамляе BBC.

Авіялайнер AirAsia з 162 людзьмі на борце, які выконваў рэйс з інданэзійскага горада Сурабайю ў Сінгапур, знік з радараў 28 снежня.

Галоўная частка фюзеляжа самалёта застаецца не знойдзенай. Улады мяркуюць, што ў ёй могуць заставацца целы загінулых пасажыраў і сябраў экіпажа.