«Бук», з якога збілі Boeng над Данбасам, «прапісаны» ў Курску

Пасажырскі Boeng малайзійскіх авіяліній быў збіты расейскімі баявікамі з зенітна-ракетнага комплексу, дастаўленага з Курска.

Пра гэта сведчаць звесткі расследавання, праведзенага арганізацыяй журналісцкіх расследаванняў CORRECT! V, піша "Украинская правда".

Паводле звестак журналістаў, на пазіцыі, з якіх абстралялі Boeing « Бук» даставілі члены 53-й зенітна-ракетнай брыгады з мэтай абароны расейскіх танкавых дывізій, якія ваявалі на ўкраінскай тэрыторыі без апазнавальных знакаў.

Як вядома, у справаздачы Камісіі ў бяспецы інфраструктуры і транспарту Нідэрландаў паказваецца, што самалёт быў уражаны «мноствам аб'ектаў, якія валодалі высокай энэргіяй». Гэтыя аб'екты пабілі самалёт зверху і спераду на такой высокай хуткасці і з такой сілай, што разарвалі судна на часткі.

Эксперт, імя якога не паказваецца ў расследаванні, заяўляе: «Ніякіх сумневаў, што рэйс MH 17 быў збіты ракетай. І гэтая ракета была выпушчаная з зямлі, а не з штурмавіка. Калі гэта была зенітная кіраваная ракета, гэта мог быць толькі «Бук М1», забойца самалётаў, распрацаваны ў СССР. У сельскай мясцовасці Украіны не ўстаноўленая сістэма СПА», - гаворыцца ў расследаванні.

У расследаванні таксама адзначаецца, што версіі прычыны катастрофы, агучаныя Расеяй у адказ на абвінавачванні ў дачыненні да катастрофы - «рэйс мог адхіліцца ад маршруту і апынуцца на адлегласці 3 км ад украінскага штурмавіка» і апублікаваныя нібыта здымкі з брыгадай «Бук» украінскага войска непадалёк ад вёскі Зарашчонскае - не пацвярджаюцца.

Разам з тым звесткі брытанскай разведвальнай каманды Bellingcat.com паказваюць на тое, што ў дзень катастрофы Боінга - 17 ліпеня - машына «Бук» праехала па данецкай дарозе №21, пакінула Данецк прыкладна а 11 раніцы.

«Яе перавозяць на грузавой платформе з белай кабінай. Фатограф французскага часопіса Paris Match зрабіў здымак з аўтамабіля. Ён быў блізка і засняў бакавую частку «Бука»-. Ягоны ідэнтыфікацыйны нумар і іншыя апазнавальныя знакі нядбайна зафарбаваныя. На грузавой платформе з «Букам» - нумар тэлефона. Ён належыць кампаніі па арэндзе машын у Данецку. Уладальнік кампаніі пазней паведаміў, што яго машына была скрадзеная ў чэрвені прарасейскімі сепаратыстамі», - гаворыцца ў расследаванні.

Машына з «Букам» працягнула свой шлях па Данетчыне. У той жа дзень ён быў зноў зафіксаваны ў Зугрэс. Пазней пешаход сфатаграфаваў яго з заправачнай станцыі ў Тарэзе.

Агнявая ўстаноўка комплексу «Бук» дасягнула Снежнага, дзе яе знялі з платформы; на іншым фота «Бук» з чатырма ракетамі ўжо самастойна едзе па Снежнаму.

Следчыя Bellingcat прыйшлі да высновы, што самаходная агнявая ўстаноўка з ідэнтыфікацыйным нумарам 3 * 2, сфатаграфаваная ў чэрвені сярод вайсковага канвою, які рухаўся з Курска ў напрамку украінскай мяжы, - той самы «Бук», які быў зняты Paris Match на ўсходзе Украіны.

У канвой ўваходзіў на камандзіраваны атрад 53-й зенітна-ракетнай брыгады, якая базуецца ў Курску. У канцы чэрвеня канвой заехаў на тэрыторыю Украіны.

«(Адзін) сяржант 53-й брыгады быў асабліва актыўны ў сетцы, апублікаваўшы мноства фатаграфій свайго атрада на старонцы «Вконтакте». Ягонае імя - Іван Краснапрошын Пазней Краснапрошын і іншыя вайскоўцы былі «нечакана звольненыя з войска», - гаворыцца ў расследаванні.

«Застаецца мала сумненняў у тым, што 53. расейская брыгада СПА з Курска заняла пазіцыю ў Снежным на ўсходзе Украіны ў той фатальны дзень (калі быў збіты Боінг)», - адзначаюць журналісты.

Паводле звестак СМІ, сепаратысты ўсталявалі сістэму СПА на поўначы Снежнага. Гэтая інфармацыя адпавядае і спадарожнікавым здымкам, апублікаваным пасольствам ЗША ў Кіеве.

Як адзначае вайсковы эксперт, імя якога ў расследаванні не удакладняецца «Бук М1» - высокамабільных комплекс можа паражаць самалёты на вышыні пры лімітавай дакладнасці. Таксама «Бук М1» выяўляе мэту з «актыўным радарам»: ён выпраменьвае свой уласны зандавальны сігнал і прымае ягонае адлюстраваным ад мэты. Пры гэтым радар «Бук» не можа дакладна вызначыць тып самалёта-мішэні - баявы гэта самалёт ці пасажырскі.

«Уласцівыя савецкай СПА тэхнічныя недахопы ўжо прыводзілі да фатальных наступстваў у мінулым. У 2001 годзе ілжывы запуск ракеты «Бук» стаў прычынай катастрофы: Украінскі марскі флот памылкова пабіў расейскі грамадзянскі самалёт падчас вайсковых вучэнняў у Крыме Рада бяспекі Украіны прызнала, што самалёт быў збіта і прыняла меры: Украіна закансервавала ўсе свае «букі» на 10 гадоў», - нагадваюць аўтары