Філіпенка пачне матч з «Вільярэалам» на лаўцы запасных

Беларускі абаронца «Малагі» Ягор Філіпенка патрапіць у заяўку на сённяшні матч 18-га тура чэмпіянату Гішпаніі супраць «Вільярэала».

Пра гэта праінфармавала газета «Marca». Аднак ягоны выхад на поле пакуль пад пытаннем. У заяўцы на матч можа знаходзіцца не больш за 18 чалавек, піша «Прессбол».

Раней галоўны трэнер «Малагі» Хаўер Грас паведаміў, што Ягору Філіпенку яшчэ неабходна набраць аптымальную фізічную кандыцыю, так як футбаліст нядаўна выйшаў з адпачынку.

Матч «Малага» - «Вільярэал» пройдзе сёння, 10 студзеня, і пачнецца а 20.00 паводле беларускага часу.