Дэфіцыт замежнага гандлю Беларусі вырас да $115,6 мільёнаў

За 11 месяцаў 2014 станоўчае сальда замежнага гандлю таварамі і паслугамі Беларусі склала $604,3 мільёна.

Пра гэта гаворыцца ў справаздачы Нацбанка, піша АФН.

У лістападзе дэфіцыт замежнага гандлю вырас да $115,6 млн з $ 95,3 млн у кастрычніку.

Адмоўнае сальда замежнага гандлю таварамі за студзень-лістапад 2014 г склала $ 1446,8 млн. (За 11 месяцаў 2013 адмоўнае сальда дасягнула $3811,3 млн). У лістападзе сальда склала мінус $316 млн. супраць мінус $ 333,6 млн у кастрычніку.

У гандлі паслугамі станоўчае сальда за студзень-лістапад 2014 склала $2051,1 млн. $2009,8 млн за аналагічны перыяд 2013). У лістападзе дадатнае сальда ў гандлі паслугамі знізілася да $200,4 млн з $238,3 млн у кастрычніку.

Замежнагандлёвы абарот тавараў і паслуг за студзень-лістапад 2014 г знізіўся на 2,6% у параўнанні з аналагічным перыядам 2013 гадах і склаў $80068,3 млн. Экспарт тавараў і паслуг вырас на 0,3% да $40336,3 млн, імпарт знізіўся на 5,4% да $40336,3 млн.