Менчукоў просяць не плаціць за электраэнергію да 15 студзеня
11- 10.01.2015, 18:50
- 17,732
«Энергазбыт» з прычыны тэхнічнага збою ў сістэме «Расчет» просіць менчукоў аплачваць электраэнергію не раней за 15 студзеня.
Пра гэта гаворыцца ў паведамленні прадпрыемства, піша «Інтерфакс».
«У сувязі з тэхнічным збоем і немагчымасцю абнаўлення ў АІС "Расчет" інфармацыі аб плацельшчыках, якая падаецца РУП "Менскэнерга" для прыёму плацяжоў за электраэнергію, просім аплату ў студзені рабіць з 15 па 25 студзеня, калі будзе ўстаноўленая абноўленая база энергазабеспячальнай арганізацыі», - гаворыцца ў паведамленні.
Раней аплачваць электраэнергію рэкамендавалася з 10 чысла.