Беларускі навуковец: Мы стваралі 3D прынтары яшчэ ў 1986 годзе
84- 10.01.2015, 19:24
- 39,861
Кандыдат тэхнічных навук Міхаіл Жамчужны запэўнівае, што першыя 3D прынтары стварылі ў Беларусі 30 гадоў таму.
Пра гэта ён распавёў у інтэрв'ю «Радыё Свабода».
«Мы рабілі разам з прафесарам Гарушкіным напэўна першыя ў свеце 3D прынтары. У 1986 годзе яны ў нас ужо былі ў жалезе, ёсць адпаведныя фатаграфіі. Навуковы калектыў рабіў гэта сваімі рукамі, на каленях можна сказаць. Мы зрабілі такія ўнікальныя рэчы, якія да гэтага часу яшчэ ніхто не паўтарыў. Адну ўстаноўку ўкаранілі ў Маскве, у Мінавіяпраме, для стварэння першаўзораў лятальных апаратаў», распавёў Міхаіл Жамчужны.
Навуковец адседзеў 5 гадоў за кратамі праз абвінавачванне ў карупцыі. Цяпер яго чакае новы суд. Міхаіла Жамчужнага абвінавачваюць у наўмыснай выдачы службовых сакрэтаў, незаконным набыцці (вырабе) сродкаў для сакрэтнага атрымання інфармацыі, а таксама ў дачы хабару.