Белстат: Рост цэн у 2014 годзе склаў 16,2%
24- 10.01.2015, 21:24
- 11,002
Рост спажывецкіх цэн у 2014 годзе склаў 16,2%, у тым ліку ў снежні - 0,6%.
Пра гэта паведаміў на брыфінгу 10 студзеня ў Менску начальнік галоўнага ўпраўлення статыстыкі цэн Нацыянальнага статыстычнага камітэта Аляксей Яркавец, піша БелаПАН.
Харчовыя тавары падаражэлі на 18,5%, нехарчовыя - на 8,1%, платныя паслугі - на 27,5%.
Паводле слоў Аляксея Яркаўца, найбольшы ўплыў на прырост індэкса спажывецкіх цэн аказалі харчовыя тавары.
У 2013 годзе інфляцыя ў Беларусі склала 16,5%, у 2015-м прагназуецца на ўзроўні 12%.