3 тысячы беларусаў засталіся без заробку на Новы год

На 1 студзеня на 20 прадпрыемствах мелася пратэрмінаваная запазычанасць у заработнай плаце перад 3 тысячамі работнікаў.

Пра гэта паведамілі БелТА ў Нацыянальным статыстычным камітэце.

Сума пратэрмінаванай запазычанасці склала на 1 студзеня гэтага года Br22,1 млрд, або 0,1% ад фонду заработнай платы па рэспубліцы за лістапад 2014 года.

Для параўнання: у кантраляваных месцах на 1 снежня 2014 года ў 212 арганізацыях Беларусі мелася пратэрмінаваная запазычанасць па заработнай плаце перад 36,3 тысячамі работнікаў. Сума пратэрмінаванай запазычанасці складала Br122,4 млрд, або 0,7% ад фонду заработнай платы па рэспубліцы за кастрычнік.

У Віцебскай вобласці дапусцілі пратэрмінаваную запазычанасць па заработнай плаце на 1 студзеня 2015 г. 2 арганізацыі (Віцебскае ААТ "Класіка індустрыі моды"; УП абласной камунальнай уласнасці "База адпачынку "Крупеніна"); у Гомельскай вобласці - 3 арганізацыі (ПВУП "Белая Русь", г. Светлагорск; ПВУП "Рытм-Будсервіс", Жыткавіцкі раён, п. Чырвонае; ТАА "Сасновы Бор", Светлагорскі раён); у Менскай вобласці - 7 арганізацый (ААТ "Маладзечналес", Вілейскі раён; ААТ "Салігорскі райаграсервіс"; Сельскагаспадарчы філіял ААТ "Салігорскі райаграсервіс"; КСУП "Сівіца", Валожынскі раён; ААТ "Чорметрамонт", Менскі раён; ІПТУП "Ізабудпромбуд", Менскі раён; філіял "Саюз-агра" ТАА "Саюзспецсталь", Лагойскі раён); у Менску - 8 арганізацый (ЗАТ "Мантажлегмаш"; ААТ "Усход"; ААТ "Белспецпраект"; ААТ "Маналітград"; філіял "Эксплуатацыённік" ААТ "Маналітград"; Навукова-даследчае праектнае РУП "Гіпрасельбуд"; ТАА "Цігер"; ТАА "Менскі Дом Вокнаў").