Дар'я Домрачава перамагла ў мас-старце ў Оберхофе
20- 11.01.2015, 14:59
- 17,162
Беларуская біятланістка заняла першае месца ў гонцы з масавым стартам, якая прайшла 11 студзеня ў нямецкім Оберхофе ў рамках чацвёртага этапу Кубка свету.
Дыстанцыю 12,5 км Дар'я Домрачава пераадолела за 42 хвіліны 36,6 секунды з чатырма пудламі пры стральбе (2+1+0+1), піша БелаПАН.
У тройку найлепшых увайшлі таксама чэшка Вераніка Віткава (14,9; 1+0+0+1) і нарвежка Тырыл Экхоф (21,7; 1+1+0+0). Надзея Скардзіна фінішавала 24-й (46.08,0; 0+2+2+1) сярод 30 удзельніц.
Увечары адбудзецца мужчынская гонка з масавым стартам, у якой упершыню возьме ўдзел прадстаўнік Беларусі Юрый Лядаў.