Даляр да 2018 года будзе каштаваць даражэй за еўра

Захоўваецца тэндэнцыя ўмацаванне амерыканскага даляра на фоне сусветных валют.

Кошт даляра і еўра можа зраўняцца да студзеня 2017, а да пачатку 2018 кошт аднаго еўра можа скласці 90 цэнтаў, піша MarketWatch са спасылкай на даследаванне банка Goldman Sachs.

"З тых часоў, як Еўразона выйшла з пазыковага крызісу, які прыйшоўся на сярэдзіну 2012 года, яна працягвае змагацца з праблемамі запаволення канкурэнтаздольнасці. Еўра, хутчэй за ўсё, працягне сваё падзенне ў адносінах да даляра", - гаворыцца ў паведамленні.

Таксама адзначаецца тэндэнцыя ўмацавання даляра на фоне сусветных валют. Так банк Goldman Sachs перагледзеў прагноз на 2015 год у адносінах да валютных пар еўра-фунт і даляр-аўстралійскі даляр. Аналітыкі адзначаюць, што да канца 2015 года аўстралійскі даляр будзе каштаваць 79 цэнтаў, піша zn.ua.

5 студзеня еўра абрынуўся да даляра да дзевяцігадовага мінімуму. Падзенне курсу еўра адбылося ўслед за выступленнем прэзідэнта ЕЦБ Марыё Драгі, які даў зразумець, што банк мае намер у хуткім часе пачаць праграму так званага "колькаснага змякчэння" (QE), мэта якой - павелічэнне грашовай прапановы.