Мэркель, Аланд і Парашэнка абмеркавалі сітуацыю ва Украіне
6- 11.01.2015, 20:30
- 22,078
Перамовы доўжыліся блізу чвэрці гадзіны.
Перад маршам памяці ахвяр тэрактаў, які праходзіць у Парыжы ў нядзелю, 11 студзеня, канцлерка ФРГ Ангела Мэркель, прэзідэнт Францыі Франсуа Аланд і прэзідэнт Украіны Пётр Парашэнка правялі сустрэчу, каб абмеркаваць канфлікт вакол Данбаса, паведамляе Deutsche Welle.
Пра гэта паведамляе са спасылкай на крыніцы ў асяроддзі Аланда AFP, адзначаючы, што ў сустрэчы не ўзяў удзел кіраўнік МЗС РФ Сяргей Лаўроў, які таксама прыбыў у Парыж для ўдзелу ў маршы памяці.
Перамовы доўжыліся блізу чвэрці гадзіны. Акрамя Мэркель, Аланда, Парашэнкі і Лаўрова ў маршы памяці ў Парыжы ўзялі ўдзел многія высокапастаўленыя палітыкі з іншых краін. "Сёння мы ўсе разам баронім каштоўнасці дэмакратыі і свабоды слова", - напісаў Пётр Парашэнка ў сацыяльнай сетцы "Фэйсбук".
Ахвярамі нядаўніх нападаў тэрарыстаў на рэдакцыю сатырычнага штотыднёвіка Charlie Hebdo, краму кашэрных прадуктаў у Парыжы, а таксама друкарню ў муніцыпалітэце Дамартэн-ан-Гаэль дэпартамента Сена і Марна сталі 17 чалавек.
Фота: zn.ua