Гомельская ДАІ правядзе спецаперацыю

Спецыяльная аперацыя «Пешаход» пройдзе ў Гомельскай вобласці 12-21 студзеня.

Пра гэта паведамілі ў прэс-службе ўправы ДАІ ЎУС Гомельскага аблвыканкама, піша БелТА.

Падчас правядзення акцыі супрацоўнікі Дзяржаўтаінспекцыі будуць несці службу на найбольш аварыйных і небяспечных адцінках аўтадарог і вуліц. Нарады дарожна-патрульнай службы максімальна наблізяць да пешаходных пераходаў. У наглядзе за дарожным рухам будуць выкарыстаныя прыборы фотавідэафіксацыі, а таксама публічны і непублічны кантроль над захаваннем Правілаў дарожнага руху ўсімі яго ўдзельнікамі.

Згодна з правіламі, пешаход у цёмны час дня павінен быць пазначаны святлоадбівальнымі элементам, нагадалі ў ДАІ.

У прэс-службе паведамілі, што з пачатку гэтага года на тэрыторыі Гомельскай вобласці ўчынена 13 дарожна-транспартных здарэнняў з удзелам пешаходаў, у якіх 9 чалавек атрымалі траўмы рознай ступені цяжкасці, у тым ліку адзін непаўнагадовы, і 4 пешаходы загінулі. Такія аварыі адбываюцца не толькі з віны кіроўцаў, але і саміх пешаходаў. Часцяком яны бестурботныя на дарозе, пераходзяць праезную частку на забараняльны сігнал святлафора або ў неўсталяваным месцы, што прычыняецца да трагічных наступстваў.