Raiffeisen Bank можа сысці з Усходняй Еўропы
7- 12.01.2015, 14:32
- 12,425
Банкаўская група Raiffeisen Bank International AG можа скараціць бізнэс у Расеі праз высокія рызыкі і занадта нізкі прыбытак.
Пра гэта піша "Коммерсант" са спасылкай на інтэрв'ю старшыні праўлення RBI Карла Севальда карпаратыўнай газеце Raiffeisen-Zeitung. Паводле звестак выдання, цяпер банкіры пераглядаюць рынкі і аналізуюць эфектыўнасць падраздзяленняў, а канчатковаю пастанову прымуць у першай палове 2015 года.
"Там, дзе мы не зможам атрымаць здавальняючы фінансавы вынік і дзе не будзе паляпшэнняў, мы скароцім наш бізнэс або зусім пакінем рынак", - цытуе банкіра выданне.
Раней RBI ацэньвала магчымыя страты на рынках Усходняй Еўропы праз сітуацыю ва Украіне ў 2014 годзе больш чым у 500 мільёнаў еўра. Група ўжо выключыла Расею і Польшчу са спісу прыярытэтных краін, цяпер у "фокус-лісце" засталіся Румынія, Чэхія, Славаччына і Аўстрыя.
"Дочкі" у Расеі і Польшчы - гэта самыя буйныя замежныя банкі групы. У жніўні 2013 Севальд запэўніваў, што група сканцэнтруе намаганні на развіцці бізнэсу перш за ўсё ў Расеі і Польшчы і названых чатырох краінах.
У расейскім Raiffeisen Bank паведамілі, што скарачэнне бізнэсу дэ-факта ўжо адбылося.