Відэа выратавання дрону стала хітом YouTube

За некалькі дзён відэа набрала больш за два мільёны праглядаў.

Зуер Спенджэр наважыў правесці выпрабаванне свайго толькі што набытага дрону DJI Phantom2 коштам 580 даляраў ЗША, піша «Корреспондент».

Аднак палёт пайшоў не па вызначаным сцэнары. У паветры ў дрона скончыўся зарад акумулятара, і беспілотнік павольна, але дакладна стаў заходзіць на пасадку ў студзеньскую ваду. Занепакоены Зуер, не распранаючыся, кінуўся ратаваць сваю прыладу. Дрон быў злоўлены ў апошні момант.

За некалькі дзён відэа выратавання дрону набрала на YouTube больш за два мільёны праглядаў, а ўражаныя карыстальнікі відэахостынгу пусціліся ствараць «рэміксы», на якіх падзея выглядае яшчэ больш эпічнай.