Інфляцыя ў Расеі стала максімальнай за шэсць гадоў

Рост спажывецкіх цэн у Расеі паводле вынікаў 2014 года склаў 11,4%.

Расстат пацвердзіў ацэнку інфляцыі ў РФ за 2014 года на ўзроўні 11,4%. Гэта з'яўляецца самым высокім паказчыкам з 2008 года, калі спажывецкія кошты выраслі на 13,3%, паведамляе ZN.ua.

Як гаворыцца ў матэрыялах ведамства, у снежні 2014 года рост спажывецкіх цэн склаў 2,6%. Для параўнання, у снежні 2013 інфляцыя складала 0,5%, а з пачатку 2013 года - 6,5%.

Паводле звестак Расстата, за снежань цэны на тавары падняліся на 2,8% (у тым ліку, на харчовыя на 3,3%, харчовыя тавары без плодаагародніннай прадукцыі - на 2,2%, нехарчовыя - на 2,3%), на паслугі - на 2,2%.

У Маскве рост спажывецкіх цэн за месяц склаў 2,8% (з пачатку года - 11,7%), у Санкт-Пецярбургу - 3,5% (з пачатку года - 13,3%).

Тым часам сусветныя інвестбанкі прагназуюць паскарэнне інфляцыі і падзенне ВУП Расеі ў 2015 годзе. У прыватнасці аналітыкі Citi чакаюць падзення ВУП Расеі на 3%, у Morgan Stanley чакаюць інфляцыі ў 13,7%.