Хакеры ўзламалі Twitter Цэнтральнага камандавання войска ЗША
7- 12.01.2015, 21:53
- 10,418
Хакеры-ісламісты ўзламалі Twitter-старонку Цэнтральнага камандавання Узброеных сіл ЗША (CENTCOM).
Хакеры, якія заявілі пра свае сувязі з тэрарыстычнай групоўкай «Ісламская дзяржава», узламалі Twitter-старонку Цэнтральнага камандавання Узброеных сіл ЗША (CENTCOM), паведамляе Lenta.ru.
«Амерыканскія салдаты, мы ідзем, сачыце за вашымі спінамі. ІДз», - гаворыцца ў першым пасля ўзлому паведамленні, якое было апублікаванае ў 20:30.
Кіберзлачынцы таксама размясцілі ў Twitter інфармацыю, якая, паводле іх сцвярджэння, раскрывае аператыўныя планы Пентагона на выпадак ваенных дзеянняў у КНДР і Кітаі. Акрамя таго, на старонцы змешчаныя спісы амерыканскіх генералаў з адпаведнымі адрасамі.
Паводле звестак на 21:22, акаўнт CENTCOM заблакаваны, аднак копіі паведамленняў даступныя ў кэшы Google.
У Пентагоне, як паведамляе Reuters, пацвердзілі факт узлому. У цяперашні час спецыялісты спрабуюць вырашыць праблему.
Цэнтральнае камандаванне ЗША - адзінае баявое камандаванне ў складзе Узброеных сіл ЗША, якое адказвае за планаванне аперацый і кіраванне амерыканскімі войскамі ў выпадку ваенных дзеянняў у рэгіёнах Сярэдняга Усходу, Усходняй Афрыкі і Цэнтральнай Азіі. CENTCOM каардынуе авіяўдары па пазіцыях ІДз у Сірыі і Іраку, нагадвае РІА «Новости».