Беларусь прадаўжае везці ў РФ забароненыя тавары
12- 13.01.2015, 8:37
- 14,935
Расея занепакоеная фактам пранікнення забароненых прадуктаў з Беларусі
За пяць месяцаў дзеяння эмбарга, якое выгадна беларускім кампаніям, суседнія краіны так і не дасягнулі дамоўленасці ў рээкспарту. Не дапусціць у Расею забароненыя харчовымі санкцыямі тавары дапаможа толькі ўзмоцнены дагляд грузаў, мяркуюць эксперты, паведамляе gazeta.ru.
Паводле звестак Рассельгаснагляда, еўрапейскія фуры праязджаюць расейскую мяжу, заручыўшыся беларускімі фітасанітарнымі сертыфікатамі. Паводле падробленых дакументаў у Расею правозяць прадукцыю з Літвы, Чэхіі і Балгарыі. Рассельгаснагляд выявіў 58 выпадкаў фальсіфікацыі фітасанітарных сертыфікатаў.
Нагадваем, што Расея ўвяла санкцыі на прадукты з тых заходніх краін, якія першыя ўвялі санкцыі ў дачыненні да Расейскай Федэрацыі.