Расея зняпраўджвае абмежаванні на продаж беларускай і ўкраінскай солі
3- 13.01.2015, 11:46
- 5,038
Расспажыўнагляд не прасіў выключыць з продажу ўкраінскую і беларускую соль.
Расспажыўнагляд не абмяжоўваў рэалізацыю солі ўкраінскіх вытворцаў «Арцёмсоль» і «Славянская соль» і беларускіх кампаній «Мазырсоль» і «Белкалій», паведаміў ТАСС са спасылкай на прэс-сакратарку службы Ганну Сяргееву.
«Сітуацыя з 12 снежня не змянілася. Ніякіх дадатковых абмежаванняў на ўвоз і рэалізацыю не ўводзілася», - заявіла яна.
Раней паведамлялася, што спецыялісты Расспажыўнагляду у шэрагу расейскіх рэгіёнаў выявілі «парушэнні ва ўтрыманні прымешак і ёду, а таксама паводле арганалептычных паказчыках» у харчовай солі ДП «Арцёмсоль», ТАА «Славянская соль» (Украіна) і ААТ «Мазырсоль», ААТ «Белкалій »(Беларусь).
Сяргеева сказала, што некаторыя рэгіянальныя кіраванні Расспажыўнагляду накіравалі ў гандлёвыя сеткі лісты з просьбай падаць інфармацыю аб наяўнасці гэтай прадукцыі на паліцах. Аднак у гэтых лістах «не было рэкамендацый па забароне рэалізацыі», адзначыла яна.