Прэм'ер Італіі паведаміў аб хуткай адстаўцы прэзідэнта
- 13.01.2015, 14:10
- 6,056
Прэзідэнт Італіі Джорджа Напалітана сыдзе ў адстаўку «на працягу некалькіх гадзін».
Пра гэта заявіў прэм'ер-міністр краіны Матэа Рэнцы, паведамляе BBC.
Аб непазбежнасці сваёй будучай адстаўкі 89-гадовы Джорджа Напалітана заявіў 18 снежня, калі абменьваўся традыцыйнымі каляднымі віншаваннямі з прадстаўнікамі дыпламатычнага корпуса.
Ён быў пераабраны прэзідэнтам Італіі ў красавіку 2013 года. Тады Італія знаходзілася ў стане глыбокага палітычнага крызісу.
Прадстаўленыя ў парламенце палітычныя партыі на працягу працяглага часу не маглі прыйсці да згоды з нагоды кандыдата ў прэзідэнты.