Алім Селімаў прызначаны гендырэктарам ФК «Дынама-Менск»

Новы гендырэктар футбольнага клуба ўступіў на пасаду 12 студзеня.

Пра гэта паведамляе афіцыйны сайт «Дынама-Менск».

«Адбыўся сход акцыянераў ЗАТ «Футбольны клуб «Дынама-Менск», на якім была заслуханая справаздача аб выніках фінансава-гаспадарчай і спартовай дзейнасці грамадства за 2014 год, а таксама разгледжаныя іншыя пытанні, - гаворыцца ў паведамленні. - Паводле вынікаў сходу была прынятая пастанова не працягваць кантракт з генеральным дырэктарам клуба Сяргеем Паўлюковічам. На пасаду генеральнага дырэктара ЗАТ «ФК «Дынама-Менск» прызначаны Алім Селімаў, які 12 студзеня 2015 года ўступіў на пасаду».

Алім Селімаў нарадзіўся 24 студзеня 1983 года. Двухразовы чэмпіён свету ў грэка-рымскай барацьбе, Заслужаны майстар спорту Рэспублікі Беларусь (2012). Прызнаны найлепшым спартоўцам Беларусі паводле вынікаў 2011 года.