Начальнік аддзела адукацыі Берасцейскага райвыканкама арыштаваны?
21- 13.01.2015, 14:47
- 36,697
Супрацоўнікі райвыканкама альбо «хварэюць», альбо адмаўляюцца распавядаць пра калегу.
Пра затрыманне чыноўніка charter97.org паведаміла крыніца.
«Начальнік аддзела адукацыі, спорту і турызму Берасцейскага раённага выканаўчага камітэта Анатоль Цімашэнка быў арыштаваны проста ў працоўным кабінеце», - напісаў ён.
Журналіст charter97.org паспрабаваў атрымаць афіцыйны каментар, аднак на працы чыноўнік адсутнічае.
«Яго няма, ён на бальнічным. Тыдні два яго не будзе», - паведаміла сакратарка.
Кіраўнік справамі райвыканкама Ігар Марчук таксама ад каментароў адмовіўся.
«Я не ведаю, я толькі выйшаў з бальнічнага, працую першы дзень. Ніхто вам тут падрабязнасцяў ніякіх не скажа», - адказаў ён.