Даляр у Webmoney ацэньваюць у 25757 беларускіх рублёў

Сістэма электроннай плацежнай сістэмы Webmoney прапануе купіць даляр па курсе, які вышэйшы за афіцыйны практычна ў 2 разы.

Пакуль беларусы са смуткам назіраюць пастаянны рост афіцыйнага курсу даляра і паведамляюць пра адсутнасць валюты ў абменніках краіны, сістэма электроннай плацежнай сістэмы Webmoney прапануе купіць даляр па курсе 25.757 рублёў, які вышэйшы за афіцыйны практычна ў 2 разы.

Як адзначае рэгіянальны партал minskby.com, у 2011 годзе, калі Беларусь накрыў чарговы эканамічны крызіс, з дапамогай сістэмы Webmoney можна было сачыць за абрынаннем беларускага рубля. Бо за некалькі тыдняў да афіцыйна абвешчанай дэвальвацыі 2011 года, электронная сістэма плацяжоў Webmoney прапаноўвала куплю валюты за 9000 беларускіх рублёў.

"Мяркуючы па ўсім, першая дэвальвацыя 2015 з'яўляецца не апошняй і не самай моцнай", - адзначаюць аўтары паведамлення.