Мянчук гандляваў няіснымі таварамі ў сацсетках

Хлопец абяцаў выслаць замоўленыя прадметы пасля перадаплаты з дапамогай электроннага кашалька.

Міліцыя затрымала 18-гадовага мянчука, які зарэгістраваўся ў сацыяльнай сетцы і пазіцыянаваў сябе ў якасці прадаўца розных тавараў: ад бытавой тэхнікі да адзення і абутку. Пра гэта charter97.org паведамілі ў ГУУС Мінгарвыканкама.

Хлопец абяцаў выслаць замоўленыя прадметы пасля перадаплаты з дапамогай электроннага кашалька. Аб'ява аб продажы красовак зацікавіла двух дзяўчат. Яны перавялі неабходную суму на ўказаны рахунак. Чакалі тавар два тыдні, але ім нічога не даставілі. Вярнуць грошы таксама не ўдалося - сувязь з «прадпрымальнікам» перапынілася. Ашуканыя пакупніцы звярнуліся ў міліцыю.

У выніку супрацоўнікі крымінальнага вышуку Фрунзенскага РУУС усталявалі месцазнаходжанне кампутара, з якога «прадавец» рэкламаваў тавар, а затым і асобу падазраванага. «Цяпер хлопец затрыманы. Малады чалавек нідзе не працуе, за аналагічныя злачынствы быў судзімы ў 2012 годзе. Тады ад ягоных ашуканскіх дзеянняў пацярпелі 6 чалавек», - растлумачылі ў міліцыі.

Распачатая крымінальная справа, праводзіцца расследаванне. Міліцыя заклікае тых, хто стаў ахвярай «прадаўца», звяртацца ў Фрунзенскае РУУС Менска.