Першы пасля тэрактаў нумар Charlie Hebdo з’явіўся ў продажы

У Парыжы да газетных кіёскаў стаяць чэргі, многія зрабілі папярэдні заказ.

У Францыі ў продаж паступіў свежы нумар часопіса Charlie Hebdo - першы пасля тэрактаў. Пра гэта паведамляе BBC News.

На вокладцы, як і абяцала рэдакцыя, размешчаная карыкатура на прарока Мухамеда. Усяго надрукавана тры мільёны асобнікаў (да тэрактаў тыраж складаў 150 тысяч), нумар даступны на шасці мовах, у тым ліку, ангельскай, арабскай і турэцкай. У Парыжы да газетных кіёскаў стаяць чэргі, многія зрабілі папярэдні заказ. У адной з крам ўсе асобнікі часопіса былі распрададзеныя за паўгадзіны. Між тым на ісламісцкіх сайтах ужо апублікаваныя новыя пагрозы рэдакцыі ў сувязі з карыкатурай на прарока, піша Lenta.ru.

Напад на рэдакцыю Charlie Hebdo быў учынены раніцай 7 студзеня: тры узброеных чалавека ўварваліся ў рэдакцыю і расстралялі 12 чалавек, яшчэ 11 былі параненыя. Падазраваныя - браты Саід і Шэрыф Куашы - праз два дні былі знішчаныя падчас спецаперацыі ў адным з гарадкоў непадалёк ад Парыжа.

9 студзеня тэрарыст Амед Кулібалалі захапіў у закладнікі наведвальнікаў кашэрнага супермаркета ў французскай сталіцы і паспеў застрэліць чатырох з іх, перш чым быў забіты. Пасля высветлілася, што менавіта Кулібалі даў братам Куашы зброю для нападу на рэдакцыю Charlie Hebdo.

Фота: AP/David Vincent