«Народны фронт» Яцэнюка ініцыюе скасаванне замірэння ў Данбасе
5- 14.01.2015, 16:03
- 29,143
Адпаведную прапанову дэпутаты фракцыі перадалі прэзідэнту Пятру Парашэнку.
У фракцыі «Народны фронт» выступаюць з прапановай скасаваць рэжым замірэння на ўсходзе Украіны. Пра гэта паведамляе «Інтэрфакс-Украіна».
Як паведаміў агенцтву нардэп Раман Застаўны, адпаведную прапанову перадалі прэзідэнту Пятру Парашэнку.
«Трэба займаць прынцыпова іншую пазіцыю. Такую, якой заслугоўваюць нашы ворагі. Гэта не толькі мая пазіцыя, але і большасці фракцыі», - падкрэсліў дэпутат.
Застаўны таксама мяркуе, што неабходна правесці закрытае пасяджэнне парламента для абмеркавання гэтага пытання.
Паводле звестак штаба АТА, сітуацыя ў зоне правядзення антытэрарыстычнай аперацыі напружаная, у той жа час паменшылася колькасць абстрэлаў пазіцый украінскіх вайскоўцаў з боку баевікоў.
За мінулыя суткі ў зоне правядзення антытэрарыстычнай аперацыі загінуў адзін вайсковец, яшчэ 17 атрымалі раненні. Сітуацыя ў Данецкам аэрапорце і паблізу яго застаецца напружанай.