«Палатка» разгледзіць антынаркатычны дэкрэт 15 студзеня

У беларускім «парламенце» плануецца разгледзець праект антынаркатычнага закона.

15-16 студзеня пройдзе сёмая пазачарговая сесія «савета рэспублікі нацыянальнага сходу» Беларусі.

Як паведамілі БелаПАН у беларускім «парламенце» плануецца разгледзець праект закона «Аб унясенні дапаўненняў і змяненняў у Крымінальны кодэкс Рэспублікі Беларусь у пытаннях процідзеяння незаконнаму абароту наркатычных сродкаў, псіхатропных рэчываў, іх прэкурсораў і аналагаў», дэкрэт Лукашэнкі ад 28 снежня 2014 № 6 «Аб неадкладных мерах у супрацьдзеянні незаконнаму абароту наркотыкаў» і іншыя пытанні.

У другі дзень работы сесіі, 16 студзеня, перад «сенатарамі» выступіць Аляксандр Лукашэнка. Магчыма, у гэты дзень Міхаіл Мясніковіч будзе абраны старшынёй «савета рэспублікі».