Мінгандлю паскардзіліся на «Белнафтахім»

Канцэрн парушыў патрабаванне Міністэрства гандлю аб «замарожванні» коштаў.

На гэта звярнуў увагу вядомы блогер Яўген Ліпковіч. На сваёй старонцы ў сацыяльнай сетцы ён напісаў пра тое, што падаў у Міністэрства гандлю афіцыйны зварот.

«У сувязі з тым, што пастановай Савета Міністраў РБ ад 19 снежня 2014 года «Аб некаторых пытаннях спажывецкага рынку» ўстаноўленая бестэрміновая забарона на рост спажывецкіх цэн прашу Вас прыняць меры рэагавання да канцэрну «Белнафтахім», які ўстанавіў з 13 студзеня 2015 года новыя павышаныя цэны на сваіх запраўках, - гаворыцца ў ім. - Прашу даць адказ на названую электронную пошту ва ўстаноўлены законам тэрмін».

Нагадаем, напярэдадні Новага года ўлады забаранілі павышаць цэны на тавары і паслугі да 15 студзеня. Сёння гэтая забарона быў падоўжаная. Тым не менш, учора цэны на аўтамабільнае паліва выраслі прыкладна на 4,7%.