Два браты ў Віцебску спрабавалі скрасці адразу пяць машын

Братам, якія спрабавалі скрасці адразу пяць машын у Віцебску, прад'яўленае абвінавачванне.

Пра гэта паведаміла афіцыйная прадстаўніца УСК Віцебскай вобласці Іна Гарбачова, паведамляе БелТА.

Увечары 11 студзеня ў міліцыю звярнуўся жыхар аднаго з дамоў, размешчаных па вуліцы Баграмяна ў Віцебску, з паведамленнем пра тое, што, знаходзячыся на балконе свайго дома, ён убачыў, як двое маладзёнаў спрабуюць спрабуюць скрасці аўтамабіль. Прыбылыя на месца міліцыянты АМАП палка ППСМ УУС Віцебскага аблвыканкама праз непасрэдна ўзніклае падазрэнне ва ўчыненні злачынства былі затрыманыя стрыечныя браты - жыхар Чашнікаў 1993 года нараджэння і жыхар Віцебскага раёна 1989 года нараджэння.

Устаноўлена, што маладзёны, знаходзячыся ў стане алкагольнага ап'янення, разбіўшы шкло дзвярэй пяці аўтамабіляў і павярнуўшы замкі запальвання, спрабавалі па чарзе ўчыніць іх угон, аднак ім перашкодзілі давесці злачынны намер да канца. Паводле гэтага факту Віцебскім гарадскім аддзелам Следчага камітэта Рэспублікі Беларусь распачатая крымінальная справа.

Цяпер завершаны ўвесь комплекс першапачатковых следчых дзеянняў: зроблены агляд месца здарэння, праверка паказанняў на месцы, прызначаны шэраг судовых экспертыз, дапытаныя сведкі і падазраваныя. Падчас допыту ў якасці падазраванага адзін з затрыманых растлумачыў, што аўтамабіль мужчынам быў неабходны, каб дабрацца да Чашнікаў, дзе браты планавалі прадоўжыць распіццё спіртных напояў.

Ацэньваючы сабраныя довады, следчымі прынятая пастанова аб прад'яўленні абодвум мужчынам абвінавачвання паводле ч.1 арт. 14, ч.2 ст.214 (замах на крадзеж транспартнага сродку, учынены групай асоб паводле папярэдняй змове) Крымінальнага кодэкса Рэспублікі Беларусь. Да 25-гадовага жыхара Віцебскага раёна прымененая мера стрымання ў выглядзе заключэння пад варту, да 21-гадовага жыхара Чашнікаў, прымаючы пад увагу актыўнае садзейнічанне органам папярэдняга следства, прымененая мера стрымання ў выглядзе хатняга арышту.