Мірны і Мэла выйшлі ў паўфінал турніру ў Оклендзе
1- 15.01.2015, 9:51
- 3,334
Максім Мірны ў пары з Марсела Мэла выйшаў у 1/2 фіналу турніру Heineken Open у новазеландскім Оклендзе.
У 1/4 фіналу беларус і бразілец нанеслі паражэнне дуэту Андрэ Бегеман (Нямеччына)/Робін Хасэ (Галандыя) - 7:6 (11:9), 7:5, паведамляе «Прессбол».
12 студзеня Максім Мірны ў пары з Марсела Мэла выйшаў у 1/4 фіналу турніру. У 1/16 фіналу беларус і бразілец нанеслі паражэнне пары Фін Цёрну/Уэслі Уайтхауз (Новая Зеландыя) 6:7 7:5 10:7.
Heineken Open - мужчынскі прафесійны тэнісны турнір, які праводзіцца ў Оклендзе, Новая Зеландыя, на адкрытых кортах з цвёрдым пакрыццём у пачатку тэніснага сезону. З 2009 года турнір належыць да катэгорыі АТР 250, ягоны прызавы фонд перавышае 455 000 даляраў ЗША, а ягоная асноўная сетка разлічаная на 32 ўдзельнікі ў адзіночным разрадзе і 16 пар.